بقلم - الشاعر. عبيد غازي العتيبي
في صولجان الملوك وفــ المقام الجميل
الله يجمل .. مشاعر .. شاعرً قالها ..
مشاعر الحب .. من ربي عليها وكيل
ومشاعر الزيف .. فال الله والا فالها
شاعر ماقول الكلام ...الا وعندي دليل
وأهل الفعول المقيمة .. تثبت أقوالهاا
نوادر الشعر والمعنى الفريد الجزيل ..
يعانق المجد ... بيرقهااا .. وموالهاا
سلام .. ياقلب نجد ويالجناب النبيل
يــاقمة العنفوان .. وبلسم .. أهوالها ..
جودك بحر من مكارم والطعم سلسبيل
وطلعتك نور البلاد .. وفرحة أقبالها
يعمها من سحاب الخير .. ظلً ظليل
ويسقى ويروي ثراها .. غيث همالها
يطير منها الحمام الليّ بروس النخيل ..
وتنبت ورود الغلا .. في قمة أجبالها ..
ياباذل المستطاع .. وقاهر المستحيل
اولى لك المنجزات الغر .. واولالهاا
يابوفهد .. جعل عمرك فالمعزة طويل
أنته .. ذخر للعروبة .. رمز لأجيالها ..
لك سطوة تودع الصاحي يعود هبيل
ولك فزعة .. تاقف الفزعة على جالها
أوجية .. كفك يصاليها هجير و مليل
ووجيه .. مدت يمينك .. تكرم أسبالها
هيلع فعول وتصول ومال حزمك مثيل
لين الليال السمر .. حطتك في بالهاا
لو مالت الناس .. حنا صفنا مايميل
الصف واحد ..على الأعداء وعّيالهاا
وان راح منا فصيل .. يقوم منا فصيل
كتائب العز .. راجلهااا ... وخيالها
ياذخر عبدالعزيز .. اللي حليه قليل
وذخرك شبيهه على الحنكة ومنوالها
محبتك فالقلوب .. ولاندور بديل ..
ومكانتك باقيه ..تسمو ..على حالها
مجداً تسلسل على قمة طويق المهيل
بيت الأسود الضواري مدهل أشبالها
تدللي .. يالهنوف اللي تقض الجديل
اللي زهتهااا .. بناجرهاا وخلخالهاا
في ضف مجد الشيوخ الي تحمي الدبيل
اللي موارى النصر تبرى وتبرالهاا
أهل الرهيف المجرب والحسام الصقيل
اللي تبرهن مقام العز.. بافعالهاا
النا عليهم .. سلام وحب جيلاً وجيل
وبيعة وفاء ياوجيه الخير منا .. لهاااا
