بقلم- د. ماجد بن ثامر آل سعود

قالوا أبردين الجميله وَناسه
و رياض وانهارٍ بها جبْر خاطر
قلت الوطن يا زين داره و ناسه 
أهل الوفا و الطيب ماضي و حاضر
ربعي هلَ العوجا وللعزّ ساسه
عاشوا على التوحيد كابر لكابر
حنْ وارثين المجد، ما هي دراسه
واليا درسنا العلم جبنا المفاخر
الله حبانا دار خير و قداسه
طيبه ومكة و الحرم والمشاعر
نحمي حماها ونْحرسها حراسه
نكرم حجيج البيت تكريم فاخر
 والفنّ في التفويج نرسم أساسه
من عهد ابو تركي لنا ذكْر عاطر
واليوم رؤية سيّدي طاب راسه
صارت بها الدنيا تشيد و تحاضر
يشبه معزّي في الذكا و الفراسه
هيبة و حِكمة من عيونه تطايَر
الشرق الاوسط توّجه في السياسه
والعالم اجمع له يطيع و يشاور
هذا ولد سلمان يا قوّ باسه
لكنْ معَ شعبه كثير المآثر
هذا محمد فخرنا والحماسه
ولْيا دعا شعبه يقولون " آمر"
سلمان ابونا طاب فينا غراسه
وابنه محمد ديرتَه به تفاخِر
هذي مصادر عزّتي والوناسه
ونْ طاب راسي، مصدر الطِّيبْ " ثامر"