بقلم| محمد بن سوعان الربيع
حب الوطن مافيه شيً يضاهيه
ياكود حب الوالدين الحشامي
محبته من فوق كل المشاريه
بالدم واوتار العصب والعظامي
با ارواحنا مبطي والاولاد نفديه
ليا شبّت الهيجا وثار العسامي
هذا وطن اجدادنا اللي ربوا فيه
ذادوا عنّه برماحهم والحسامي
اجدادنا من قبلنا ماارخصوا فيه
وعلى العدو يبقى ترابه حرامي ماهي سوالف مع قصيدً نسويه
الموت دونه مانقوله كلامي
حب الوطن كل قلب حرً نبض فيه
ومن يعشق ارض المملكة مايلامي
وكلن على ماقيل حظه ايباريه
ومن طيبها ولّي عليها الامامي
عبدالعزيز الفذ وحد نواحيه
ثمً غشاه النور عقب الظلامي
أسس وطن يفخر بحاضر وماضيه
وحكم الشريعة دامها الله ودامي
باخوان نورة دام عزّه وطاريه
وفي ظلهم دام الامن والنظامي
حكام من حكام تدحر امعاديه
نسل السعود اولاد حرً اقطامي
يالله تبيح الميت والحي تبقيه
خلفة هل العوجا رفاع المقامي
فيهم ملاذ اللي ظروفه اتقزيه
في ظلهم عشنا اعزازً احشامي
واليوم سلمان المكارم وراعيه
ابو فهد خادم بيوت الحرامي
راع الحزم سلمان ربي يعافيه
ويبقى عساهو دوم فوق السنامي
وولي عهده يرفع الراس طاريه
في كل ديره صيته اليوم زاامي
في شرقها والغرب كلن يحييه
وكلن لابو سلمان يرفع سلامي
لهم الولا من فوق الاشهاد نبديه
خوالنا وواولادنا. والعمامي
يوم الوطن تسمو وترقا معانيه
ويالله تعيده للوطن كل عامي
محمد بن سوعان الربيع
